Os dous primeiros centros, en Santiago e Lugo, foron adxudicados a unha fundación privada e os de Pontevedra e A Coruña, recibidos en outubro e agora respectivamente, aínda están en concurso con varias empresas aspirantes
Trátase dunha iniciativa do CEIP Sagrada Familia da Coruña, na que o alumnado de 5º de Primaria, coordinado pola mestra Mariña Lema, realiza vídeos curtos para mellorar o uso da lingua. A cuarta edición dos galardóns do proxecto da CRTVG entregou este martes os seus premios, recoñecendo tamén o CPI Plurilingüe O Cruce de Cerceda, ademais de centros de O Grove, Ferrol, Fonsagrada e Ponteceso.
O proxecto impulsado por Cesuga pretende iniciar a súa andaina no curso 2026-27. A alcaldesa da Coruña, Inés Rey, apoia unha iniciativa que di que conta co visto e prace do Goberno de España malia que recibiu un informe negativo hai un ano e que a Administración autonómica non avanzou na súa autorización e pide agora "unha aclaración" ao Executivo central sobre o proceso.
A versión en teatro da serie musical de animación en galego para nenos e nenas inicia a súa xira na Coruña o vindeiro 7 de xuño.
Xurxo Souto, María Canosa, Xabier Díaz, Lucía Veiga ou Rodrigo Vázquez, entre moitos outros, únense a través dun vídeo á campaña que insta o Dépor a usar a denominación en galego e oficial da cidade no seu nome.
A alcaldesa Inés Rey denuncia que soubo pola prensa da demanda de máis requirimentos á petición por parte do Goberno galego, que recoñece que a cidade cumpre cos requisitos para esa catalogación e que di pedir "documentación adicional e aclaracións que son pertinentes".
O Concello pide ao Goberno central, mediante informes do Instituto José Cornide, que a contorna do Faro, co antigo cárcere provincial ou o Campo da Rata, e a residencia aínda en poder dos Franco obteñan un recoñecemento que tamén busca a casa Casares Quiroga.
A campaña de 'Aquí tamén se fala' impulsa a mudanza na denominación do Dépor que apoian Concello, Xunta, RAG ou UDC. O club di que a "valorará" e a alcaldesa, Inés Rey, pídelle que "se axuste xa ao nome que é oficial e único que hai". O profesorado impulsor da iniciativa di estar "convencido" do cambio e advirte dun debate "extinto" na cidadanía: "La Coruña é xa algo pintoresco, unha disonancia".
Este venres os restos de Juan Boedo Pardo, Andrés Pinilla Fraga, Pedro Pinilla Calvete foron entregados aos seus familiares nun acto celebrado no salón de plenos do pazo municipal de María Pita, na Coruña. Secuestrados e asasinados o 29 de setembro de 1936, os seus corpos foron exhumados hai dous anos no cemiterio de Bértoa (Carballo), onde foran soterrados nunha foxa común.
Un xulgado considera que a entidade "permitiu" que unha traballadora sufrise "hostigamento, degradación e illamento" por parte doutra "de forma prolongada no tempo"
María do Carme Seijas fai 100 anos este sábado, unha celebración que coincide coa homenaxe, como Republicana de Honra, que lle rende a CRMH na Cea da República e que foi precedida por un acto institucional no Concello da Coruña. Veciña da Silva, a súa vida é tamén “a historia dun barrio que soubo manter a cabeza erguida mesmo nos momentos máis escuros”, destacou Inés Rey.
A iniciativa cultural liderada polo IES Rafael Dieste da Coruña proponse que o Deportivo "empregue o topónimo oficial a partir da seguinte temporada, 2025-2026", no seu 120º aniversario, cunha serie de accións que contan co apoio de Concello, RAG, Deputación, Xunta ou Consello da Cultura Galega e ex-xogadores como Álex Bergantiños.